آسبوع .... محمد جآرالله السهلي ؛؛؛

اسبوع مرّ..ولا وصل منك مرسـال
ياقوّ قلبك كيـف تقطعنـي اسبـوع

الجـو كافر!وانـت ماترحـم الحـال
وانا عليك من الولـه ميـتً جـوع

ياللي غيابك صعب يطري على البال
تركتنـي ضايق..وحاير..ومفجـوع

ماكنـي الا:شايـبً فاقعـد عـيـال
وماكنك الا: محـرمً حـق مشـروع

يفوع لك قلبـي ليـا مـر الاطـلال
ياليت مالي قلـب يشتـاق ويفـوع

حسبي عليك شلون قطعـت الامـال
بآموت لاصار الامل فيـك مقطـوع

ياصاحبـي ماكـل نــزال رحــال
انت الحيّا من وين مارحـت متبـوع

نسيانـي لـزولً بالاعمـاق يختـال
اصعب علي صاحبك من حبة الكـوع

لو الثمن في شوفتـك عمـر رجـال
كان الثمن من يوم ماغابت مدفـوع

ولو القـدر ماتـم قولـه ليـا قـال
ماضاق صدر ولا انحنى راس مرفوع

ياصاحبي عشقتنـي فعـل وخصـال
وانا عشقتك شعر واحساس واطبوع

وشلون تتركني كذا لاشهـب الـلال
وقدام عيني تجف ينبوع....ينبـوع

وانا عشانك جيـت والغيـم همـال
اسيّـل الوديان...واداحـم جـمـوع

ماردنـي عنـك سواليـف عــذال
تزعل علـي ربوع..وتقـدّر ربـوع

كان المهم اعيشك جنـون ووصـال
ويكون لي كلمة ولي راي مسمـوع

واليوم ضاقت بي من الجـال للجـال
فرقاك تقصم ظهر..وتحز...وتلـوع

لو جيت شفت الحال ماسرك الحـال
في غيبتك ضايق..وحاير..ومفجـوع

هذا غياب اسبوع وشلون لـو طـال
طالبك لايطول غيابك عـن اسبـوع

وسلآمتــكم

صح لسانك ولا هنتي فديتك

يعطيك العافيه

نودي

ياويييييييييييييييييييل حالي ياحمووووودي وتلوموني بحبه<<<وش عندها

وهـ وهـ يازين قصيدته فدييييييييييييته

تسلمين حبيبتي عالطرح

تحياتي

^.^

هــلآع والله

منورين الحته

يســلمووو ع المرير